Դեռևս նախորդ տարվա հունիսին Երևան քաղաքի առաջին ատյանի դատարանը Ազգային ժողովի նախկին պատգամավոր Լևոն Սարգսյանին դատապարտել էր 9 տարի ազատազրկման՝ մեղավոր ճանաչելով նախկին Քրեական օրենսգրքի 175-րդ հոդվածի 3-րդ մասի 1-ին և 2-րդ կետերով նախատեսված հանցանքում:
«AM» իրավաբանական ընկերության բաժնետեր, փաստաբան Դավիթ Հունանյանը, ստանձնելով Լևոն Սարգսյանի պաշտպանությունը, սեղմ ժամկետում ուսումնասիրելով քրեական գործի բազմահատոր նյութերը, կայացված դատավաճիռը բողոքարկել էր ՀՀ վերաքննիչ քրեական դատարան:
Շուրջ մեկ տարի տևած բողոքի քննության արդյունքում Վերաքննիչ քրեական դատարանը երեկ կայացրած որոշմամբ բավարարեց Դավիթ Հունանյանի բողոքը և բեկանեց առաջին ատյանի դատարանի դատավճիռը՝ գործն ուղարկելով նոր քննության: Բեկանման պատճառ էր նշվել առաջին ատյանի դատարանի դատավորի` իրագործված դատավարության ընթացքում անկողմնակալ չներկայանալը:
Գործի քննությունը կշարունակվի առաջին ատյանի դատարանում` նոր կազմով:
