Հաշտարարության եղանակով վեճի լուծումը վստահվել էր «AM»-ի փաստաբան, հաշտարար Հայկ Բարսեղյանին
22 Մայիս, 2024Արբիտրաժի և hաշտարարության հայաստանյան կենտրոնին դիմած ՀՀ և օտարերկրյա քաղաքացիները խնդրել էին կողմերի միջև առկա վեճը լուծել հաշտարարությամբ։
Կողմերի առաջարկով «AM» իրավաբանական ընկերության փաստաբան, հաշտարար Հայկ Բարսեղյանը ստանձնել էր հաշտարարության եղանակով վեճի լուծումը։
Հաշտարարությունը կազմակերպվել էր էլեկտրոնային կարգով` հայերեն և անգլերեն լեզուների համակցմամբ։
Հաշվի առնելով հաշտարարության եղանակով վեճի լուծման կողմերի կամքն ու հաշտարարության վերաբերյալ առաջատար փորձը` կողմերի նախաձեռնությամբ և հաշտարարի համակարգմամբ կնքվել է հաշտության համաձայնություն, ինչը հնարավորություն է տվել ծագած վեճը լուծել ամբողջությամբ:
Շնորհավորում և շնորհակալություն ենք հայտնում Արբիտրաժի և hաշտարարության հայաստանյան կենտրոնին որակյալ ծառայությունների մատուցման, հաշտարարին ամբողջապես աջակցելու և վստահելու համար։
Հուսով ենք` նման արդյունավետ համագործակցությունը կշարունակվի ի բարօրություն երկրում հաշտարարության ինստիտուտի զարգացմանը և հաշտարարության կողմերին պատշաճ, պրոֆեսիոնալ ծառայությունների մատուցմանը։
