Արաբական Միացյալ Էմիրություններում ձեր իրավաբանական հարցերն այսուհետ կարող եք լուծել «AM»-ի միջոցով

26 Սեպտեմբեր, 2018

Արաբական Միացյալ Էմիրություններում ձեր իրավաբանական հարցերն այսուհետ կարող եք լուծել «AM»-ի միջոցով

«AM» իրավաբանական ընկերությունը, շարունակելով ընդլայնել իր ծառայությունների աշխարհագրությունը, համագործակցության հուշագիր է ստորագրել Արաբական Միացյալ Էմիրություններում գործող «Safeshore Corporate Services» ընկերության հետ: 
Ընկերությունը մասնագիտացած է կորպորատիվ ծառայությունների ոլորտում և մատուցում է բիզնեսի աջակցման, ընկերությունների գրանցման և հետագա սպասարկման համալիր ծառայություններ:
Արաբական Միացյալ Էմիրություններն առաջարկում է ավելի քան 30 ազատ տնտեսական գոտիներ, որոնցում հնարավոր է շահավետ պայմաններով ձեռնարկատիրական գործունեություն ծավալել: Ազատ տնտեսական գոտիների հետ ակտիվ համագործակցության և տարիների աշխատանքային փորձի շնորհիվ «Safeshore Corporate Services» ընկերությունն ապահովում է ազատ տնտեսական գոտում ընկերության արագ և ապահով գրանցումը:
Կորպորատիվ ծառայությունների մատուցմանը զուգահեռ «Safeshore Corporate Services» ընկերությունն առաջարկում է նաև օտարերկրյա ներդրողների համար Արաբական Միացյալ Էմիրություններում բնակվելու համար անհրաժեշտ փաստաթղթերի ստացման բարձրորակ ծառայություններ՝ այդպիսով հեշտացնելով օտարերկրյա ներդրողների կողմից ներդրումների կատարման և դրան հաջորդող գործընթացները:
Այսպիսով, այսուհետ Արաբական Միացյալ Էմիրություններում ներդրում կատարել ցանկացող հայ գործարարներն «AM»-ի միջոցով կարող են ստանալ արագ և որակյալ իրավաբանական ծառայություններ:

Կարծիքներ
Facebook
 

Կապվել մեզ հետ