Աշխատանքի տոնավաճառ Ֆրանսիական համալսարանում․ ուսանողները ցանկանում էին աշխատել «AM» իրավաբանական ընկերությունում

23 Հոկտեմբեր, 2018

Աշխատանքի տոնավաճառ Ֆրանսիական համալսարանում․ ուսանողները ցանկանում էին աշխատել «AM» իրավաբանական ընկերությունում

«AM» իրավաբանական ընկերությունը, բարձր գնահատելով Հայաստանում ֆրանսիական համալսարանի հետ արդյունավետ համագործակցությունը, այս տարի ևս մասնակցել է վերջինիս կողմից կազմակերպված աշխատանքի տոնավաճառին, որն իրականացվում է Հայ-ֆրանսիական առևտրաարդյունաբերական պալատի հետ համատեղ: 
«AM» իրավաբանական ընկերության ավագ իրավախորհրդատու, Ֆրանսիական համալսարանի նախկին ուսանողուհի Աննա Միքայելյանը երիտասարդ իրավաբաններին ներկայացրեց ընկերության գործունեության հիմնական ուղղություններն ու մատուցվող ծառայությունների շրջանակը, ընկերությունում աշխատելու համար անհրաժեշտ մասնագիտական ու մարդկային որակները։ Աշխատանքի տոնավաճառի ընթացքում նորավարտ և ոչ փորձառու իրավաբաններն ակտիվ հետաքրքրություն էին ցուցաբերում «AM»-ի թափուր հաստիքների ու պրակտիկային հնարավորության վերաբերյալ: 
Մեր ընկերությունը յուրաքանչյուր տարի նմանօրինակ միջոցառումների միջոցով հնարավորություն է ընձեռում երիտասարդ իրավաբաններին դիմելու ու աշխատանքի անցնելու ընկերությունում։
Իր որդեգրած քաղաքականության համաձայն՝ «AM» իրավաբանական ընկերությունը շարունակելու է մրցունակ կադրերի հավաքագրումը ու երիտասարդ մասնագետների համար աշխատանքի հնարավորությունների ստեղծումը:

Կարծիքներ
Facebook
 

Կապվել մեզ հետ